Mehir-múriwbet hám qayır saqawat ayı bolǵan múbárek Ramazan ayında Ózbekstan gereńler jámiyeti Qaraqalpaqstan Respublikası aymaqlıq bólimi aǵzalarına Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı – Awıl xojalıǵı ministri Sh.Teshayev tárepinen imkániyatı sheklengen insanlardı sociallıq jaqtan qollap quwatlaw maqsetinde qayırqomlıq ilaji shólkemlestirilip, awıl xojalıǵı hám de azıq-awqat ónimleri tapsırıldı.
Ilajda Qaraqalpaqstan Respublikası Awıl xojalıǵı ministrliginiń kásiplik awqam basshısı M.Qurbaniyazov hám de Ózbekstan gereńler jámiyetiniń Qaraqalpaqstan Respublikası aymaqlıq bólimi baslıǵı M.Beknazarova qatnasıp, gereńler jámiyeti aǵzaların sociallıq ruwxıy jaqtan qollap quwatlawda hám de olarǵa hár tárepleme járdem kórsetip atırǵanlıǵı ushın óz minnetdarshılıǵın bildirdi.
