Zamanagóy sharwashılıq
Ózbekstan Respublikası Prezidentiniń 2023-jıl 24-avgusttaǵı PQ-285-sanlı “Sharwashılıqta identifikaciyalaw sisteması hám násilshilik tarawın jetilistiriwge baylanıslı qosımsha ilajlar haqqında”ǵı qararınıń orınlanıwın nátiyjeli shólkemlestiriw maqsetinde Beruniy rayonı “Sarkop” awıl puqaralar jıyını aymaǵında jaylasqan “Shaxnoza Banıw” sharwa fermer xojalıǵında identifikaciyalaw boyınsha seminar bolıp ótti.
Seminarǵa, Ózbekstan Respublikası Veterinariya hám sharwashılıqtı rawajlandırıw komiteti identifikaciya orayı bólim baslıǵı O.Bolkiev, Qaraqalpaqstan Respublikası Veterinariya hám sharwashılıqtı rawajlandırıw komiteti baslıǵınıń orınbasarı B.Qurbaniyazov, jergilikli fermerler hám sharwashılıq tarawına baylanıslı qánigeler qatnastı.
“Shaxnoza Banıw” sharwa fermer xojalıǵında ótkerilgen bul seminar sharwashılıq tarawın zamanagóylestiriw hám rawajlandırıwǵa qaratılǵan áhmiyetli qádem. Bul seminar fermerlerge óz xojalıqların nátiyjeli basqarıw, ónimdarlıqtı arttırıw hám sharwashılıq tarawında jańa basqıshqa ótiwge járdem beredi.
“Shaxnoza Banıw” sharwa fermer xojalıǵında baslanǵan bul process basqa xojalıqlarǵa da úlgi bolıp, sharwashılıq tarawın rawajlandırıwda áhmiyetli rol atqaradı dep úmit etemiz.
———-
