Pilleshilik dástúriy kásiptiń jańa nápesi

Awıl xojalıǵı tarawında pilleshilikti rawajlandırıwǵa ayrıqsha dıqqat awdarılmaqta. Prezidentimizdiń basshılıǵında pilleshilik tarawın rawajlandırıwǵa ayrıqsha itibar qaratılıwı, bul tarawdı bunnan bılay da rawajlandırıwǵa xızmet etpekte. Pille jetistiriw ata-babalarımızdan kiyatırǵan mashaqatlı, miyneti salmaqlı, sonıń menen birge tabıslı jumıs esaplanadı.

Shomanay rayonında pilleshilik jıldan-jılǵa rawajlanıp kelmekte. “Ketenler” awıl puqaralar jıyını aymaǵında jasawshı, pillekesh F.Orazbaevanıń shańaraǵı usı máhállede jasawshı A.Bakirova, D.Uzaqbaeva, A.Ernazarovalar menen birgelikte 4 qutı nawqan qurtın alıp, rejeni artıǵı menen orınlawdı maqset etken.

Sonday-aq, “Diyxanabad” máhállesinde jasawshı G.Xalmuratova máhálledegi bos otırǵan hayal-qızlar menen birgelikte, 3 qutı nawqan qurtın alıp, rejeni artıǵı menen orınlawdı óz aldına maqset etip qoyǵan. Úyde otırıp, dáramat tabıw imkaniyatınan paydalanıp atırǵan hayal-qızlar pille qırmanına óz úlesin qosıp, nawqan qurtın baǵıp atır.