Pilleshilik: Bir aylıq miynet, jaqsı dáramat!

Pilleshilik – Ózbekstannıń áyyemgi hám bay tariyxına iye bolǵan taraw. Búgingi kúnde ol tek ǵana mádeniy miyrastıń bir bólegi emes, al joqarı dáramat keltiretuǵın zamanagóy tarmaqqa aylanbaqta. Pilleshilik salıstırmalı az qárejet esabınan tez dáramat alıw imkaniyatın beredi.

Quyashlı elimizdiń jıllı klimatı tut tereginiń kóp ósiwine imkaniyat beredi, bul bolsa pilleshilikti bunnan bılay da rawajlandırıwǵa tiykar jaratadı. Nawqan qurtı tek ǵana 25-30 kún dawamında baǵıladı, biraq bul qısqa waqıt ishinde tayar ónim – pille alınadı, bul bolsa ishki hám sırtqı bazarda talap etiletuǵın ónim bolıp esaplanadı.

Bıyıl da Ámiwdáryalı pillekeshler ǵayrat hám qızıǵıwshılıq penen nawqan qurtın tárbiyalamaqta. Rayondaǵı aldıńǵılar qatarında pille tapsırıp atırǵanlar rayon hákimligi tárepinen sawǵalar menen xoshametlendi.