Fermer wazıypaları túsindirildi

Ózbekstan Respublikası Prezidenti hám Ministrler Kabineti tárepinen qabıl etilgen qararlar, pármanlar hám basqada normativlik huqıqıy hújjetlerdiń mazmun-mánisi, isbilermenlik subektlerge berilip atırǵan jeńillikler haqqında túsindiriw hám awıl xojalıǵı tarawında ámelge asırılıp atırǵan wazıypalarǵa arnalıp Qanlıkól rayonında fermer xojalıqları hám basqada awıl xojalıǵı kárxanalarınıń basshıları qatnasıwında ámeliy oqıw seminarı boldı.

Seminarda Qaraqalpaqstan Respublikası Ministrler Keńesi Baslıǵınıń Awıl hám suw xojalıǵı máseleleri boyınsha orınbasarı Sh.Teshaev, rayon hákimi B.Sultanov hám basqalar rayonda awıl-xojalı jumıslarınıń barısına toqtaldı.

Atap ótilgenindey rayonda paxta hám ǵálle jetilistiriw boyınsha bir qansha jetiskenlikler menen qatar kemshiliklerde sınǵa alındı.

Seminarda tarawdı rawajlandırıw, diyqanshılıqta joqarı nátiyjege erisiw boyınsha ilajlar belgilendi.