Taqıyatas rayonında paxta tapsırıw processleri jedellik penen alıp barılmaqta

Taqıyatas rayonındaǵı “Fayz agroklaster”ge qaraslı Naymankól paxta qabıllaw punktinde bıyılǵı paxta máwsimi qızǵın basqıshqa kirdi. Fermer xojalıqlarınan paxta qabıllaw jumısları belgilengen tártip tiykarında shólkemlestirilgen bolıp, zúráátti qabıllaw hám saqlaw ushın barlıq zárúr sharayatlar jaratılǵan.

Paxtanıń sapasın anıqlaw, awırlıǵın ólshew, durıs jaylastırıw hám tez qabıllaw maqsetinde zamanagóy texnologiyalar engizilgen. Fermerlerdiń zúráátin qolaylı hám óz waqtında tapsırıwı ushın barlıq shólkemlestiriw jumısları puqta jolǵa qoyılǵan.

“Fayz agroklaster” basshıları zúráátti sapalı qabıl etiw hám fermerlerdiń miynetin bаhаlawdı tiykarǵı maqset etip belgilegen. Sonlıqtan, punktte kúni-túni náwbetshilik shólkemlestirilip, zúráátti óz waqtında qabıl etiwge ayrıqsha dıqqat qaratılmaqta.

Rayon fermer xojalıqları óz miynetleriniń nátiyjesin kórip, mámleketke sapalı paxta tapsırmaqta. Paxta qabıllawdaǵı tártip-intizam hám jaratılǵan qolaylı sharayatlar zúráát jıyın-terim máwsiminde nátiyjelilikti arttırıwǵa xızmet etpekte.