Taqıyatas rayonında kartoshka jetistiriwdi rawajlandırıw boyınsha ámeliy jumıslar alıp barılmaqta

Ózbekstan Respublikası Prezidentiniń 2025-jıl 8-sentyabrdegi PQ-269-sanlı qararı hám Prezident Administraciyasınıń 2026-jıl 10-yanvardaǵı tapsırması orınlanıwın támiyinlew maqsetinde Qaraqalpaqstan Respublikasında awıl xojalıǵı tarawında keń kólemli jumıslar ámelge asırılmaqta.

Sonıń menen birge, xalıqtı tiykarǵı azıq-awqat ónimleri menen turaqlı támiyinlew, ishki bazarda bahalardıń turaqlılıǵın saqlaw hám óndiris kólemin asırıw baǵdarında sistemalı ilajlar kórilmekte.

🌱 Taqıyatas rayonı Nayman massivi «Jańa mákan» APJ aymaǵında jaylasqan «Amirxon Zayniddin Saidnazar» JShJ tárepinen 2026-jılı tiykarǵı egin sıpatında 10 gektar maydanǵa kartoshka egilmekte.

🥔 Bul joybarda Gollandiya mámleketinen alıp kelingen joqarı ónimli, super elita tuqımlıq — «Arizona» sortlı kartoshka egiw jolǵa qoyılǵan.

Bul baslama aymaqta kartoshka jetistiriwdi rawajlandırıw, sapalı tuqımgershilik sistemasın qáliplestiriw hám xalıqtıń azıq-awqat qáwipsizligin támiyinlewde úlken áhmiyetke iye.

🎥 Processler sáwlelengen videonı tamasha qılıwıńız múmkin.