Taxtakópir rayonında fermerler menen áhmiyetli ushırasıw bolıp ótti Ózbekstan Respublikası Prezidentiniń paxta hám biyday jetistiriwshilerdi qarjılay qollap-quwatlawǵa qaratılǵan PP-82-sanlı Pármanı hámde suwǵarılmaytuǵın jerler hám jaylaw jer uchastkaların paydalanıwǵa kirgiziwdi xoshametlew boyınsha PP-83-sanlı Pármanınıń mazmun-mánisin keńnen úgit-násiyatlaw maqsetinde Taxtakópir rayonı hákimliginiń májilisler zalında ushırasıw shólkemlestirildi. Onda Taxtakópir rayonı hákimi J.Adilov, Qaraqalpaqstan Respublikası Ministrler Keńesi Baslıǵınıń awıl hám suw xojalıǵı boyınsha orınbasarı, Awıl xojalıǵı ministri K.Aytbaev, tiyisli taraw basshıları hám fermerler qatnastı. Ushırasıwda jańa pármanlar tiykarında paxta hám ǵálle jetistiriwshiler ushın jaratılıp atırǵan finanslıq imkaniyatlar, jeńilletilgen qollap-quwatlaw mexanizmleri jáne suwǵarılmaytuǵın hám jaylaw jerlerden nátiyjeli paydalanıwdıń jańa tártipleri haqqında tolıq túsinikler berildi.