Beruniy rayonında ǵálleden bosaǵan maydanlarda tákirarıy egin ushın kartoshka egiw baslandı “Shabbaz” awıl puqaralar jıyını aymaǵındaǵı “Kuchkinov Qudrat” fermer xojalıǵınıń 15 gektar atız maydanlarında tákirarıy egin ushın kartoshka egiw jumısları juwmaqlandı. Awıl xojalıǵı ónimlerin jetistiriwde tákirarıy egin egiw ámeliyatı dawamında fermer xojalıqlarınıń tájiriybeleri jıldan-jılǵa artıp, bul baǵdarda tiykarǵı túrdegi azıq-awqat ónimi esaplanǵan kartoshka egiwde de jeterli kónlikpelerge iye boldı. Kartoshka tuqımı Gollandiya mámleketinen alıp kelingen bolıp, zamanagóy texnologiyalarda egiw jumısları baslanǵan. Kartoshka egiw ámeliyatı jer resurslarınan nátiyjeli paydalanıw, azıq-awqat qáwipsizligin bekkemlew hám xalıqtıń dáramatların arttırıwǵa xızmet etetuǵın áhmiyetli agrotexnikalıq ilajlardan biri bolıp esaplanadı. Bul ámeliyat tákirarıy egin sıpatında keńnen qollanıladı. Erte piser hám orta piser kartoshka sortları egiledi Suwǵarıw, ásirese Qaraqalpaqstannıń qurǵaqshıl klimatında, óz waqtında shólkemlestiriledi. Zıyankesler hám keselliklerge qarsı agrotexnikalıq qorǵanıw ilajları ámelge asırıladı, bir maydannan bir jılda eki márte ónim alıw imkaniyatın beredi.