“Agrotarozi” málimleme sisteması – paxtanı qabıllawda ashıq-aydınlıq kepili Qanlıkól rayonı “AGROHAMKOR CLUSTER” JShJ paxta qabıllaw punktinde usı jıl paxta ónimin qabıllawdıń ashıqlıǵın támiyinlew, paxta qabıllaw orınlarında “Agrotarozi” málimleme sistemasın engiziw boyınsha baqlaw kameraları, zamanagóy kompyuter texnikası hám úzliksiz elektr energiyası menen támiyinlew, sonday-aq, Awıl xojalıǵı ministrligi menen birgelikte málimleme sistemaları menen islew boyınsha juwapker xızmetkerlerdiń ámeliy kónlikpelerin arttırıw boyınsha respublikalıq seminar boldı. “Agrotarozi” málimleme sistemasın engiziw, elektron tárezi qurılmaların sınaw hám olardan paydalanıw boyınsha aymaqlarda Awıl xojalıq ministrligi sanlastırıw departamenti hám “Agrosanaattı sanlastırıw orayı” JShJ tárepinen ótkerpilgen oqıw-ámeliy seminarlarda, rayon hákimi B.Sultanov, Qaraqalpaqstan Respublikası Awıl xojalıǵı ministri K.Aytbaev, Agrosanaat kompleksi ústinen qadaǵalaw inspekciyası Respublika basqarması baslıǵı E.Qayıpbergenovlar seminar áhmiyeti haqqında túsinikler berdi.