“Azıq-awqat ónimlerin qayta islew tarawın rawajlandırıw: Qánigelerdi zamanagóy texnologiyalar menen tanıstırıw” temasında trening ótkerildi

Qaraqalpaqstan awıl xojalıǵı hám agrotexnologiyalar institutınd Qaraqalpaqstan Respublikası Awıl xojalıǵı ministrligi, Agroxızmetler orayı, Diyxanshılıq ilimiy-izertlew institutı hám Qaraqalpaqstan awıl xojalıǵı hám agrotexnologiyalar institutı professor-oqıtıwshıları birgelikte rayonlardaǵı azıq-awqat ónimlerin qayta islew kárxanaları qánigeleri ushın “Joqarı sapalı azıq-awqat texnologiyaların qamtıwdı qollap-quwatlaw maqsetinde jergilikli qánigelerdi zamanagóy qayta islew usıllarına úyretiw” atamasında oqıw treningi shólkemlestirildi.

Oqıw treninginde institut professor-oqıtıwshılarınan Z.Sultanova, G.Abdieva hám U.Qazaqbaevlar tárepinen azıq-awqat kárxanaların basqarıw, kárxanalardıń xalıqaralıq standartlar tiykarında jumıs alıp barıwı, ónim sapasın bahalaw sıyaqlı temalarda óz bayanatların trening qatnasıwshıları menen bólisti.

Trening dawamında qatnasıwshılar tárepinen qızıqtırǵan sorawlarǵa qánigeler tárepinen ilimiy tiykarlanǵan anıq juwaplar berildi.