Biyday orım-jıyını aldınan texnikalardıń tayarlıǵı úyrenildi

Beruniy rayonında 2025-jıl zúrááti ushın 3800 gektar maydanǵa biyday egilgen bolıp, máwsim dawamında hám óz waqtında berilgen dıqqat, agrotexnikalıq ilajlar sebepli biyday pisip jetilmekte. Jaqın kúnler ishinde orım-jıyın jumısları atızlarda qızǵın túrde baslanadı.

Máwsimde qatnasatuǵın kombayn hám texnikalardıń sazlıǵın úyreniw hám áhmiyetli tayarlıqlar kóriw maqsetinde Qaraqalpaqstan Respublikası Ministrler Keńesiniń Baslıǵı F.Ermanov Beruniy rayonında bolıp, processler menen tanıstı. Rayon hákimi I.Xidirov alıp barılıp atırǵan jumıslar haqqında maǵlıwmatlar berdi.

Biyday saqlanatuǵın qoymaxanalardıń jaǵdayı, jumısshı, xızmetkerlerge óz waqtında miynet haqıların tólew boyınsha áhmiyetli kórsetpe hám tapsırmalar berildi.

Xalıqtıń ırısqı-nesiybesi bolǵan ǵálle zúráátin hár qıylı órtlerden saqlaw boyınsha rayon Ayrıqsha jaǵdaylar bólimi xızmetkerleri tárepinen túsindiriw jumısları alıp barıldı.