Shomanaylı Zinatdin Satbaev jaslarǵa ajıratılǵan jerde ayǵabaǵar egip, dáramat almaqta

Shomanaylı Zinatdin Satbaev shańaraq aǵzaları menen birgelikte jaslarǵa ajıratılǵan jerlerden bes gektar maydandı alıp, diyqanshılıq penen shuǵıllanbaqta. Ótken jılı gúnji egip jaqsı dáramat alǵan Zinatdin, bıyıl bolsa ayǵabaǵar egiwge qarar etti.

Ol shańaraq aǵzaları menen birgelikte miynet etip, mol zúráát alıwdı hám sol arqalı shańaraq byudjetin bekkemlewdi maqset etken. Jaslarǵa berilip atırǵan imkaniyatlardan paydalanıp, Zinatdin Satbaev awıl xojalıǵında óz ornın tabıwǵa umtılıp atır.

Bul baslama Shomanay rayonı jasları ushın óz jerinde miynet etip, dáramat tabıwdıń ayrıqsha úlgisi bola aladı.