Shomanayda jas isbilermen baslaması: Aynura Jumabaeva balıqshılıqtı jolǵa qoydı

Shomanay rayonı “Birleshik” awıl puqaralar jıyını aymaǵında jasawshı Aynura Jumabaeva shańaraǵı menen másláhátlesip, óziniń úyiniń aldınan ótken taslandıq suw izeykeshin ijaraǵa aldı. Jaslarǵa berilip atırǵan jeńilliklerden paydalanǵan halda, Aloqa bankinen jeńilletilgen kredit tiykarında 100 million som qarjı alıp, 600 kg mayda balıq (lichinka) jiberdi.

Aynura Jumabaeva balıqshılıqtı rawajlandırıw arqalı jılına 48 million som tabıs alıwdı maqset etken. Bul joybar tek ǵana shańaraq byudjetine úles qosıp qoymastan, al jańa jumıs orınların jaratıwǵa da xızmet etedi. Házirgi waqıtta Aynura ózin hám shańaraǵınıń eki aǵzasın jumıs penen támiyinledi.

Bul baslama Shomanay rayonı jasları ushın óz biznesin jolǵa qoyıwda jaqsı úlgi bola aladı.