Beruniy hám Ellikqaladaǵı kórgizbeli seminar

Beruniy rayonındaǵı “Nawayı” APJ hám Ellikqala rayonındaǵı “Gúldirsin” APJ aymaqlarında jaylasqan “Eldor Yóldoshboy” hám “Gúldirsin parvozi” fermer xojalıqlarında 2026-jıl zúrááti ushın dán egiw jumısların shólkemlestiriw hám paxta maydanlarında defoliaciya jumısların sistemalı shólkemlestiriw boyınsha kórgizbeli seminar bolıp ótti.

Bul áhmiyetli ilajda Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshaev, rayon hákimleri hám taraw juwapkerleri qatnastı. Seminar dawamında dán egiw hám paxta defoliaciyası boyınsha aldıńǵı tájiriybeler kórsetildi, taraw qánigeleri óz-ara pikir alıstı.

Ilajdıń eń tolqınlandırıwshı bólegi – tuqım sebiw máresimi boldı. Qatnasıwshılar birgelikte jerge tuqım egip, 2026-jıl zúrááti ushın bereket tiledi. Bul máresim keleshekke úmit penen qaraw, miynetkesh diyxanlarımızdıń pidákerlik miynetin qádirlew hám tábiyat penen úylesimli jasawǵa umtılıwdıń nıshanı edi.