Húrmetli ustaz hám tárbiyashılar!

Bársheńizdi 1-oktyabr – Muǵallimler hám ustazlar kúni bayramı múnásibeti menen shın kewlimnen qızǵın qutlıqlayman.

Elimizdiń rawajlanıwı, jas áwladtıń bárkamal insan bolıp kamalǵa keliwinde ustaz hám trenerlerdiń sheksiz úlesi bar. Sizlerdiń sabır-taqat, pidayılıq hám mehir-muhabbat penen islep atırǵan miynetlerińiz sebepli xalqımızdıń keleshegi, Watanımızdıń rawajlanıwı támiyinlenbekte.

Qaraqalpaqstanda tálim-tárbiya sistemasında, ilim hám awıl xojalıǵı tarawında jumıs alıp barıp atırǵan ustazlarımızdıń pidákerlik xızmetleri bárshemiz ushın ibrat bolıp esaplanadı. Sizlerdiń háreketlerińiz nátiyjesinde jaslarda miynet súygishlik, watandı súyiwshilik hám jaqsı pazıyletler qáliplespekte.

Áziz ustaz hám trenerler! Sizlerge bekkem densawlıq, shańaraqlıq abadanlıq hám juwapkershilikli jumısıńızda úlken tabıslar tileymen. Shákirtleriniń jetiskenlikleri siz ushın eń úlken sıylıq bolsın.

Bayramıńız múbárek bolsın!

Húrmet penen,
Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı,
Qaraqalpaqstan Respublikası awıl xojalıǵı ministri
Sh. Teshaev.