🌾 Korrupciyasız keleshekke qaray: Awıl hám suw xojalıǵında ashıq-aydınlıqtı támiyinlew boyınsha qospa májilis
2025-jıl 31-oktyabr kúni Qaraqalpaqstan Respublikası Awıl xojalıǵı ministrligi hám Qaraqalpaqstan Respublikası Suw xojalıǵı ministrliginiń qospa májilisi bolıp ótti.
Májiliste Prezidentimizdiń 2025-jıl 21-aprelde qabıl etilgen “Korrupciyaǵa qarsı gúresiw sistemasın bunnan bılay da jetilistiriw boyınsha belgilengen tiykarǵı wazıypalardıń orınlanıwın nátiyjeli shólkemlestiriwge baylanıslı ilajlar haqqında”ǵı PP-71-sanlı Pármanınıń mazmun-mánisi hám awıl hám suw xojalıǵı tarawlarında korrupciyalıq jınayatlardıń aldın alıw, anıqlanǵan kemshiliklerdi saplastırıw máseleleri dodalandı.
Májiliste Qaraqalpaqstan Respublikası Ministrler Keńesiniń Korrupciyaǵa qarsı ishki qadaǵalaw bóliminiń baslıǵı B.Matmuratov, Qaraqalpaqstan Respublikası prokuraturası bólim prokurorı A.Bekbergenov, sonday-aq, Awıl xojalıǵı hám Suw xojalıǵı ministrlikleriniń basshıları qatnasıp, óz pikir-usınısların bildirdi.
