Suwdı únemleytuǵın suwǵarıw texnologiyaların engizgenligi ushın subsidiya beriledi.
Húkimet qararı (206-sanlı, 28.04.2026-j.) menen “Awıl xojalıǵı ónimlerin jetistiriwshilerdiń suwdı únemleytuǵın suwǵarıw texnologiyaların engiziw boyınsha qárejetleriniń bir bólegin qaplaw tártibi haqqında”ǵı reje tastıyıqlandı.
Rejege bola, subsidiya Mámleketlik byudjetten awıl xojalıǵı ónimleri hám texnologiya túrine qaramastan, hár bir konturǵa engizilgen texnologiya ushın tek ǵana 1 márte ajıratıladı.
Talapker subsidiyanı alıw ushın ózine tiyisli egislik jer maydanların konturlar hám awıl xojalıǵı ónimleriniń túrleri kesiminde belgilengen tártipte Agroportalǵa kirgizgen bolıwı kerek.
Talapker subsidiya ajıratılıwı ushın Agroportal arqalı elektron formada arza menen múrájat etedi.
Arzaǵa tómendegiler qosımsha etiledi:
– suwdı únemleytuǵın suwǵarıw texnologiyasın qurıw boyınsha “Tamshi-reestr”ge kirgizilgen qurılıs-jumıstı bólip alıp islewshi shólkem menen dúzilgen shártnama nusqası;
– joybar hújjeti hám qurılıs jumıslarınıń juwmaqlanǵanı haqqındaǵı akt nusqası;
– jumıs orınlanǵan konturlardıń maǵlıwmatları (aymaǵı hám lokalizaciyası anıq kórsetiledi).
Suwdı únemleytuǵın suwǵarıw texnologiyaların óz qarjısı esabınan engizgen talabanǵa belgilengen esap-sanaqlarǵa tiykarlanıp subsidiyanıń 50 procenti aldınnan tólep beriledi.
