Lalazar máhállesi rayon orayına jaqın aymaq bolıp, jámi xalıqtıń 1500 in jaslar quraydı. Jaslardıń bántligin támiyinlew maqsetinde PQ-153-sanlı qararǵa tiykar 15 jasqa 30 sotixtan 30 jılǵa ijara shártnaması tiykarında egislik ushın jer berilgen. Házirgi waqıtta bul jerlerde awıl xojalıǵı azıq-awqat ónimleri jetistirilip, jaslar dáramatqa ie bolıp kelmekte. Javohir Baltabaev 2024-jılı alǵan jerinen nátiyjeli paydalanıp, ǵarbız hám geshir egip óz waqtında agrotexnikası menen shuǵıllanıp kelmekte. Bıyılǵı ónimnen jaqsı dáramat gózlegen qaharmanımızǵa qırman bereketli bolsın deymiz.