Xojelide koreys almurtınıń jańa sortı jetistirilmekte

Nashvatı almurtı (Aziya almurtı, Nashi, Pyrus pyrifolia) Shıǵıs Aziya mámleketlerinen kelip shıqqan bolıp, Yaponiyada “Nashı almurtı” atı menen belgili. Miywesi domalaq, alma tárizli, qabıǵı sarı-jasıl, ústinde mayda aq noqatları bar. Dámi mazalı hám suwlı. Xojeli rayonı “Mustaqillik” awıl puqaralar jıyını aymaǵında jasawshı Kamil Allambergenov Koreyadan bul almurttı aldırıp, óz baǵına ekken. Házir onıń baǵında 15 túp koreys almurtları bar. Kamil Allambergenovtıń aytıwınsha, bul almurttıń abzallıǵı sonda, ol bir jılda miywege kiredi.