Qońırat fermerleri ushın jańa imkaniyatlar hám wazıypalar

Qońırat rayonında Qaraqalpaqstan Respublikası Ministrler Keńesi baslıǵınıń Awıl hám suw xojalıǵı máseleleri boyınsha orınbasarı Sh.Teshaevtıń basshılıǵında fermerler hám awıl xojalıǵı kárxanaları basshılarınıń qatnasıwında májilis ótkerildi.

Májiliste Ózbekstan Respublikası Prezidenti hám Ministrler Kabinetiniń awıl xojalıǵına baylanıslı qararları, pármanları hám basqa da normativlik-huqıqıy hújjetlerdiń mazmun-mánisi, isbilermenlik subektlerine berilip atırǵan jeńillikler haqqında maǵlıwmat berildi. Sonday-aq, tarawda ámelge asırılıp atırǵan áhmiyetli wazıypalar dodalandı.

Májiliste kelesi jılı biyday egiwge tayarlıq kóriw, jerlerdi shor juwıw hám suwǵarıw máseleleri kórip shıǵıldı. Sh.Teshaev suw jetip barıwı qıyın bolǵan aqırındaǵı fermer xojalıqları jerlerin birinshi gezekte suwǵarıw boyınsha juwapkerlerge tapsırma berdi.

Bunnan tısqarı, jaqınlasıp kiyatırǵan paxta terimi máwsimine qabıllaw punktlerin tayarlaw hám texnikalardı sazlaw ilajları da dodalandı.

Ushırasıw dawamında fermerler ózlerin qızıqtırǵan sorawlarǵa juwaplar aldı hám aldaǵı wazıypalar belgilep alındı.