Kegeyli rayonında ǵálle egisine arnalǵan kórgizbeli seminar ótkerildi

Búgin Kegeyli rayonında Qaraqalpaqstan Respublikası Ministrler Keńesiniń Baslıǵı F.Ermanovtıń qatnasıwında Jalpaq jap APJ aymaǵındaǵı “Diywan ay” fermer xojalıǵında ǵálle egiwge arnalǵan kórgizbeli seminar shólkemlestirildi.

️Usı jılı rayonda 2026-jıl zúrááti ushın 3970 gektar maydanǵa biyday egiliwi rejelestirilgen.

Seminar dawamında biyday egiw qaǵıydaları, jerlerdi lazerli tegislew, suwǵarıw texnologiyaları, mineral tóginlerden nátiyjeli paydalanıw tártipleri keńnen sáwlelendirilip berildi.

Seminar dawamında ǵálle ónimdarlıǵın arttırıw hám agrotexnika qaǵıydalarına qatań ámel etiw arqalı jetistiriletuǵın ónimniń sapasın támiyinlewge erisiw múmkinligi ayrıqsha atap ótildi.