Tórtkúl rayonı aymaǵında da “Awsıl” keselligine qarsı gúresiw boyınsha aylıq sheńberinde dezinfekciya hám dezinsekciya jumısları sistemalı túrde alıp barılmaqta

Ózbekstan Respublikası Awıl xojalıǵı ministrligi hám Fermerler keńesiniń baslaması menen usı jıldıń 18-aprelinen 18-mayına shekem mámleketimizde “Sharwashılıqta sanitariya-epidemiya-gigiena” aylıǵı járiyalandı.

Usı aylıq sheńberinde:

xojalıq hám fermalarda veterinariya-sanitariya talaplarına qatań ámel etiliwi, kiriw orınlarında dezinfekciya quralların shólkemlestiriw, biygana shaxslar hám transport qurallarınıń kiriwin sheklew, sharwa malların sapalı azıq-awqat hám taza suw menen támiyinlew, aymaqlardı turaqlı tazalaw hám zıyanlı jánliklerge qarsı gúresiw jumısları kúsheytilmekte.

Sonday-aq, “Awsıl” keselligi belgileri (joqarı temperatura, awız hám tuyaqlarda jaralar, jelininiń zıyanlanıwı) baqlanǵanda, haywanlardı tezlik penen ajıratıw hám veterinariya qánigelerine múrájat etiw zárúr.

Húrmetli fermerler hám sharwa iyeleri! Sharwa mallarınıń salamatlıǵın saqlawda tazalıq hám veterinariya qaǵıydalarına ámel etiw úlken áhmietke ie. Aylıq sheńberinde barlıq profilaktika ilajların juwapkershilik penen ámelge asırıwıńız soraladı.