Ellikqalada fermerler menen ushırasıw
Ellikqala rayonında Ózbekstan Respublikası Prezidentiniń paxta hám ǵálle jetistiriwshilerdi qarjılay qollap-quwatlawǵa qaratılǵan PF-82-sanlı Pármanı hám de suwǵarılmaytuǵın jerler hám jaylaw jer uchastkaların paydalanıwǵa kirgiziwdi xoshametlew boyınsha PF-83-sanlı Pármanınıń mazmun-mánisin keńnen úgit-násiyatlaw maqsetinde ushırasıw shólkemlestirildi.
Ushırasıwda Qaraqalpaqstan Respublikası Ministrler Keńesi Baslıǵınıń awıl hám suw xojalıǵı boyınsha orınbasarı, Awıl xojalıǵı ministri K.Aytbaev fermer xojalıqları baslıqları menen ashıq sáwbetlesiw ótkizdi.
Ushırasıwda jańa pármanlar tiykarında paxta hám ǵálle jetistiriwshiler ushın jaratılıp atırǵan qarjılıq imkaniyatlar, jeńillikli qollap-quwatlaw mexanizmleri hám de suwǵarılmaytuǵın jerler hám jaylaw jerlerden nátiyjeli paydalanıwdıń jańa tártipleri haqqında tolıq túsindirme berildi. Bul ushırasıw rayon fermerleri ushın jańa imkaniyatlardı úyreniw hám awıl xojalıǵın rawajlandırıwda jańa qádemler qoyıw ushın jaqsı múmkinshilik jarattı.
