⚡️ Ámiwdárya rayonında fermerler menen áhmiyetli ushırasıw bolıp ótti Ózbekstan Respublikası Prezidentiniń paxta hám biyday jetistiriwshilerdi finanslıq qollap-quwatlawǵa qaratılǵan PF-82-sanlı Pármanı hám de suwǵarılmaytuǵın jerler hám jaylaw jer uchastkaların paydalanıwǵa kirgiziwdi xoshametlew boyınsha PF-83-sanlı Pármanınıń mazmun-mánisin keńnen úgit-násiyatlaw maqsetinde Ámiwdárya rayonı hákimliginiń májilisler zalında ushırasıw shólkemlestirildi. Onda Qaraqalpaqstan Respublikası Ministrler Keńesi Baslıǵınıń awıl hám suw xojalıǵı boyınsha orınbasarı, Awıl xojalıǵı ministri K.Aytbaev tárepinen fermer xojalıqları basshıları menen ashıq sáwbetlesiw alıp barıldı. Ushırasıwda jańa pármanlar tiykarında paxta hám biyday jetistiriwshiler ushın jaratılıp atırǵan finanslıq imkaniyatlar, jeńillikli qollap-quwatlaw mexanizmleri hám de suwǵarılmaytuǵın jerler hám jaylaw jerlerden nátiyjeli paydalanıwdıń jańa tártipleri haqqında tolıq túsinikler berildi.