Qaraqalpaqstan Respublikasınıń Nókis rayonında tuqımlıq ǵálle maydanlarında aprobaciya kórigin ótkeriw boyınsha kórgizbeli oqıw-ámeliy seminarı bolıp ótti

Usı seminarǵa Qaraqalpaqstan Respublikası Joqarǵı Keńesiniń komitet baslıǵı A.Jumanazarov, Salıshılıq ilimiy-izertlew institutı baslıǵınıń orınbasarı Z.Ziyadullaev, Qaraqalpaqstan Respublikası Awıl xojalıǵı ministriniń birinshi orınbasarı A.Xalimbetov, Dán hám salı ilimiy-óndirislik birlespesi direktorınıń orınbasarı E.Sadikov, sonday-aq, rayon hákimlikleriniń awıl hám suw xojalıǵı máseleleri boyınsha orınbasarları, fermer xojalıqlarınıń basshıları hám de selekcioner ilimpazlar qatnastı.

Seminar dawamında respublikada tuqımlıqlardı saqlaw boyınsha 2025-jıldıń juwmaqları hám kelesi jıl ónimi ushın ǵálle eginleri tuqımgershiliginiń perspektivaları dodalandı. Sonıń menen birge, ilimiy-izertlew institutları tárepinen masaqlı dán eginleriniń jańa selekciyalıq sortların jaratıw boyınsha ámelge asırılıp atırǵan jumıslar boyınsha bayanatlar tıńlandı.

Ilajda jańadan jaratılıp atırǵan hám perspektivalı ǵálle sortların Mámleketlik sort sınaw uchastkalarına tapsırıw hám sınawdan ótkeriw tártibi, atız aprobaciyası kórigi, tuqımlıq dándi qabıllaw, tuqımlıqlardı saralaw hám de dárilew processlerinde qadaǵalaw sistemasın jolǵa qoyıw máselelerine ayrıqsha itibar qaratıldı.