⚡️Shımbay rayonında da fermerler menen áhmiyetli ushırasıw bolıp ótti
Ózbekstan Respublikası Prezidentiniń paxta hám biyday jetistiriwshilerdi qarjılay qollap-quwatlawǵa qaratılǵan PF-82-sanlı Pármanı hám de lálmi hám jaylaw jer uchastkaların paydalanıwǵa kirgiziwdi xoshametlew boyınsha PF-83-sanlı Pármanınıń mazmun-mánisin keńnen úgit-násiyatlaw maqsetinde Shımbay rayonında ushırasıw shólkemlestirildi.
Bul ushırasıwlar keshegi kúni Ámiwdárya, Ellikqala, Tórtkúl hám Beruniy rayonlarında baslanǵan bolıp, aymaqlarda izbe-iz dawam ettirilmekte.
Ushırasıwda Qaraqalpaqstan Respublikası Ministrler Keńesi Baslıǵınıń awıl hám suw xojalıǵı boyınsha orınbasarı, Awıl xojalıǵı ministri Kamiljon Aytbaev fermer xojalıqlarınıń basshıları menen ashıq sáwbetlesiw ótkerdi.
Sáwbetlesiw dawamında jańa pármanlar tiykarında paxta hám biyday jetistiriwshiler ushın jaratılıp atırǵan qarjılıq imkaniyatlar, jeńillikli qollap-quwatlaw mexanizmleri hám de lálmi hám jaylaw jerlerden nátiyjeli paydalanıwdıń jańa tártipleri haqqında tolıq maǵlıwmatlar berildi.
Sonday-aq, fermerlerdi qıynap atırǵan máseleler, bar bolǵan mashqalalar hám olardı saplastırıw boyınsha usınıslar talqılandı. Ushırasıw sońında ministr tárepinen fermerlerdiń múrájatları hám usınısları tıńlandı. Kóplegen múrájatlar sol jerdiń ózinde oń sheshimin taptı, waqıt talap etetuǵın máseleler bolsa tiyisli tártipte qadaǵalawǵa alındı.
