Tórtkúl hám Beruniy rayonlarında fermerler menen áhmietli ushırasıwlar bolıp ótti
Ózbekstan Respublikası Prezidentiniń paxta hám biyday jetistiriwshilerdi qarjılay qollap-quwatlawǵa qaratılǵan PP-82-sanlı Pármanı jáne suwǵarılmaytuǵın hám jaylaw jer maydanların paydalanıwǵa kirgiziwdi xoshametlew boyınsha PP-83-sanlı Pármanı mazmun-mánisin keńnen úgit-násiyatlaw maqsetinde Tórtkúl hám Beruniy rayonlarında ushırasıwlar shólkemlestirildi.
Onda Qaraqalpaqstan Respublikası Ministrler Keńesi Baslıǵınıń awıl hám suw xojalıǵı boyınsha orınbasarı, Awıl xojalıǵı ministri Kamiljan Aytbaev fermer xojalıqlarınıń basshıları menen ashıqtan-ashıq sóylesiw ótkerdi.
Ushırasıwlarda jańa pármanlar tiykarında paxta hám biyday jetistiriwshiler ushın jaratılıp atırǵan finanslıq imkaniyatlar, jeńilletilgen qollap-quwatlaw mexanizmleri jáne suwǵarılmaytuǵın hám jaylaw jerlerden nátiyjeli paydalanıwdıń jańa tártipleri haqqında tolıq túsinikler berildi.
Ushırasıw sońında ministr tárepinen fermerlerdiń múrájatları hám usınısları tıńlandı.
