Beruniy rayonında ǵálle egiw jumısları dawam etpekte Beruniy rayonı “Gúlistan” MTP aymaǵında jaylasqan “Undirish minerali” JShJda bıyılǵı ǵálle egiw jumısları agrotexnikalıq talaplar tiykarında alıp barılmaqta. Egiw processinde 1 gektar maydanǵa 400 kilogramm ǵálle tuqımı hám 20 kilogramm ammofos mineral tógin normasında qollanılmaqta. Tuqımnıń belgilengen normada hám sapalı egiliwi nátiyjesinde atızda tegis hám tıǵız náller alıw, ósimliklerdiń bir qálipte rawajlanıwın támiyinlew hámde keleshekte joqarı hám sapalı ónim jetiwtiriw ushın zárúrli sharayatlar jaratılmaqta. Ǵálle egiw jumısların óz waqtında hám sapalı juwmaqlaw, egilgen maydanlarda agrotexnikalıq ilajlardı belgilengen múddetlerde ámelge asırıwǵa ayrıqsha itibar qaratılmaqta.